PROTOKOLL

MBI SESIONIN E PESTË TË KOMISIONIT TË PËRBASHKËT SHQIPTARO-GREK PËR BASHKËPUNIMIN SHKENCOR E TEKNOLOGJIK PËR PERIUDHËN 2000-2001

Mbi bazën e Marrëveshjes për Bashkëpunimin Shkencor e Teknik, të nënshkruar në Tiranë më 4 Tetor 1984 midis Qeverisë së Republikës së Shqipërisë dhe Qeverisë së Republikës së Greqisë, Komisioni i Përbashkët Shqiptaro-Grek u mblodh në Sesionin e Pestë në Tiranë, më 27-30 Qershor 2000.

Delegacioni Shqiptar u kryesua nga Dr. Andrea Marto, Zëvendës Ministër i Arsimit dhe e Shkencës i Republikës së Shqipërisë. Delegacioni Grek u kryesua nga Dr. Deniozos, Sekretar i Përgjithshëm për Kërkimin dhe Teknologjinë në Ministrinë e Zhvillimit të Republikes së Greqisë. Lista e anëtarëve të dy delegacioneve paraqitet në Aneksin I të këtij protokolli dhe eshtë pjesë integrale e tij.

Rendi i ditës së Sesionit të Pestë të Komisionit të Përbashkët përmbante zërat e mëposhtëm:

A. Diskutimi dhe Vlerësimi i Bashkëpunimit për vitin 1999.

B. Diskutimi dhe Seleksionimi i Projekteve të përbashkëta për periudhën 2000-2001.

C. Aprovimi i listës së projekteve që do të financohen gjatë periudhës 2000-2001. Diskutimi i disa procedurave

D. Aprovimi i datës së Sesionit të Gjashtë të Komisionit të Përbashkët.

A. Diskutimi dhe Vlerësimi i Bashkëpunimit për vitin 1999.

Komisioni i Përbashkët vëren se për shkaqe të njohura, bashkëpunimi Shkencor dhe Teknologjik pati një ndërprerje të ndjeshme gjatë viteve 1997-1998. Komisioni vlerëson pozitivisht hapat e ndërmarra nga të dyja palet në vitin 1998 për ta riaktivizuar bashkëpunimin. Protokolli i takimit të Athinës, Tetor 1998, i dha nje shtytje pozitive këtij procesi, duke mbështetur tetë projekte të përbashkët.

Të dy palet vlerësojnë punën e bere në të dy vendet për hartimin e nje dokumenti të përbashkët për paraqitjen e projekteve. Palet vlerësojnë bashkëpunimin e frytshem në procesin e thirrjes për propozime dhe atë të vlerësimit paraprak të projekteve në të dy vendet. Të gjitha takimet dhe kontaktët janë karaktërizuar nga fryma e mirekuptimit, transparences dhe tolerances reciproke.

Të dy palet vlerësojnë si shumë pozitiv faktin që u paraqitën për konkurim 42 projekte të përbashkëta, që mbulojnë të tëra fushat me intëres dhe të tre katëgorite e ofruara për aplikim.

Pala shqiptarë vlerëson angazhimin e pales greke për të mbeshtëtur projektet e përbashkët në nje nivel me të lartë financiar.

Komisioni ra dakord t’i jape prioritet nivelit shkencor dhe teknologjik të projekteve dhe krijimit të rrjeteve.

B. Diskutimi dhe Seleksionimi i Projekteve të përbashkët për periudhën 2000-2001

Komisioni i Përbashkët diskutoi për 42 projekte të përbashkëta të paraqitur në kopje të njejta, brenda afatit të njejtë kohor, respektivisht në Ministrinë e Arsimit dhe Shkencës të Shqipërisë dhe në Sekretariatin e Përgjithshëm të Kërkimit dhe Teknologjise të Ministrisë së Zhvillimit të Republikës së Greqisë.

Projektet u përkasin tre kategorive:

§ 32 janë projekte të përbashkët

§ 4 janë networke

§ 6 janë asistence teknike

Lista e plotë e projekteve të paraqitur jepet në Aneksin II që eshtë pjese integrale e këtij Protokolli.

Palet kanë adoptuar kritere të veçanta vlerësimi paraprak në vendet e tyre. Palet i konsideruan të mireqena këto vlerësime.

Projektet u vlerësuan si të pranueshëm kur ata janë konsideruar si të tillë nga të dyja palët. Në rastet kur pati mospërputhje në vlerësimet e veçanta, u diskutua në mënyrë më konkrete dhe vendimet u muarrën me konsensus.

Palet ranë dakord që të mbështesin me prioritet projektet e propozuara nga Universitetet, Akademitë dhe Institucionet Kërkimore.

C. Aprovimi i listës së projekteve që do të financohen gjatë periudhës 2000-2001. Diskutimi i disa procedurave

Duke patur në konsideratë mundesitë financuese të secilës palë dhe vlerësimet konkrete për çdo projekt, Palet ranë dakord që për periudhën 2000-2001 të financohen 19 projekte të përbashkët. Lista e projekteve që do të financohen, si dhe shkalla e financimit nga secila palë, jepet në Aneksin III, që eshtë pjese integrale e këtij Protokolli.

Në fund të vitit 2000 duhet t'i paraqitet secilës palë nga një kopje në anglisht e raportit të progresit, kurse në fund të vitit 2001 duhet të paraqitet raporti përfundimtar.

Palët do të takohen çdo vit, në mënyrë alternative në të dy vendet, në mënyrë që të bëjnë vlerësime të ecurisë së bashkëpunimit. Takimi tjetër i Palëve do të behet në Athine gjatë tremujorit të pare të vitit 2001.

Palët ranë dakord të vazhdojnë përpjekjet për të rritur më shumë bashkëpunimin reciprok, nëpërmjet shkembimit të dokumentacionit, informacionit shkencor, pajisjeve dhe specialistëve si dhe publikimeve.

Dieta ditore e specialistëve të secilit vend në vendin tjetër do të jetë 80 (tetëdhjetë) dollarë amerikanë në ditë. Secila palë mbulon shpenzimet e transportit për specialistët e vet nga vendi nisës deri në vendin pritës. Vendi pritës mbulon shpenzimet e transportit për lëvizjet brenda vendit. Këtu nuk futen shpenzimet e transportit brenda një qyteti.

Pala pritëse siguron trajtim mjekësor falas për rastet e emegjencës, sëmundjeve të papritura apo aksidenteve.

Palet ranë dakord që të përpunojnë nje sistem të njejtë vlerësimi dhe ta përfshijnë në Protokollin e ri.

Vizitat reciproke të specialistëve, si rregull, duhet të programohen dhe të njoftohen nga secila palë, çdo dy muaj. Vetëm në raste të jashtëzakonëshme, vizitat mund të bëhen edhe kur njoftohen jo më herët se 6 (gjashtë) javë.

Detajet e implementimit të secilit projekt do të përcaktohen nga institucionet respektive në marëveshje me njeri tjetrin dhe me aprovimin e Autoriteteve Kombëtare (GSRT dhe MASH).

D. Aprovimi i datës së Sesionit të Gjashtë të Komisionit të Përbashkët.

Palët ranë dakord që Komisioni i Gjashtë i Përbashkët Shqiptaro-Grek të mblidhet në Athinë në tremujorin e pare të vitit 2002 në Athinë.

Ky Protokoll u pergatit dhe u nënshkrua në Tiranë, me 30 Qershor 2000, në dy kopje në gjuhen angleze.

Për Qeverinë e Për Qeverinë e

Republikes së Greqisë Republikes së Shqipërisë