Tiranë, më 28 prill 2007

Edhe në Shqipëri Fond Ekselence për të shkëlqyerit

Kushti, duhet të rikthehesh në vend.

Sot në një deklaratë për mediat, zv.ministrja e Arsimit dhe Shkencës znj Ardiana Gjonaj tha:

“Dje qeveria miratoi fondin e ekselencës me një vlerë prej 100 milion lekësh në vit, me synim kryesor kualifikimin e stafeve akademike të shkollave tona të larta.

Ky fond do të përdoret nga MASH

· për bursa të posaçme, për kryerjen në universitete perëndimore prestigjioze të studimeve të doktoratës apo post-doktoratës të studentëve dhe shkencëtarëve të rinj të shkëlqyer, por me kushtin që të kthehen dhe të japin kontributin e tyre për 5 vjet në Shqipëri;

· për çmime për studentët fitues në konkurse apo olimpiada ndërkombëtare;

· si dhe për të mbështetur botime me nivel të lartë shkencor.

Këshilli i Arsimit të Lartë dhe Shkencës do të përcaktojë fushat prioritare, numrin e bursave për çdo fushë, si dhe kritere të tjera përzgjedhëse.

Deri më sot, i vetmi stimul i qeverisë kanë qenë bursat për studentët të cilët arrijnë një mesatare të notës 10 gjatë studimeve universitare, pavarësisht nga të ardhurat që kanë familjet e tyre.

Ky hap që merret për herë të parë, është një hap i rëndësishëm për t'ju dhënë të rinjve tanë ekselentë, këtij potenciali kombëtar, mbështetje financiare, që pasi të kualifikohet jashtë të ndihmojë për zhvillimin e Arsimit të Lartë dhe shkencës në Shqipëri.”

Nismat e tjera të MASH për të shkëlqyerit

Në politikat e kësaj ministrie në qendër të vëmendjes do jetë diferencimi i më të aftëve e më të talentuarëve midis nxënësve dhe studentëve që kanë kapacitete dhe rezultate të larta, në përvetësimin e programeve mësimore në Arsimin e Mesëm e të Lartë.

Ndër këto nisma përmendim