NJOFTIME PËR APLIKIM PËR BURSA DHE TË DREJTA STUDIMI NË UNIVERSITETET ITALIANE

1. Ambasada e Italisë në Tiranë njofton që Shkolla e Specializimit për të Drejtën Civile, pranë Universitetit të Kamerinos, organizon në korrik të këtij viti një kurs katër javor në fushën e të drejtës civile. Për këtë kurs do të jepen 3 bursa studimi. Aplikimi për këto bursa është i hapur deri në 3 maj 2006. Për informacion më të hollësishëm kontaktoni Zyrën e Bashkëpunimit Shkencor pranë Ambasadës Italiane në Tiranë ose kontaktoni në rrugë elektronike me këtë adresë: scuola.dirittocivile@unicam.it .

2. Qendra Ndërkombëtare e Trajnimit dhe Universiteti i Torinos, në bashkëpunim me Universitetin I të Sorbonës, organizojnë kursin master të nivelit të parë për “Projektet Kulturore për Zhvillim”. Ky kurs do të zhvillohet në disa etapa studimi: e para nga 15 qershor - 31 gusht 2006, e dyta nga 4 shtator -15 dhjetor 2006 pranë Qendrës Ndërkombëtare të Trajnimit në Torino dhe e treta nga 2 janar -15 mars 2007. Ministria e Punëve të Jashtme të Italisë ofron një numër të kufizuar bursash për studentët që vijnë nga vendet në zhvillim. Për informacion më të hollësishëm kontaktoni Zyrën e Bashkëpunimit Shkencor pranë Ambasadës Italiane në Tiranë.

3. Fakulteti i Arkitekturës dhe Ekonomisë në Universitetin e Triestes në bashkëpunim me UniAdrion, Rrjetin e Universiteteve CEI, Universitetin e Bolonjës, Rijekës dhe Sarajevës një master të nivelit të parë me temë “Transporti i Qëndrueshëm, Informacioni Gjeografik, Logjistika dhe Integrimi Ekonomik në Evropën Qendrore dhe Juglindore”. Për informacion më të hollësishëm kontaktoni Zyrën e Bashkëpunimit Shkencor pranë Ambasadës Italiane në Tiranë.

4. Universiteti i Gjenovës do të zhvillojë gjatë vitit akademik 2006-2007 një master për “Menaxhimin e Sistemeve Logjistike të Integruara”. Ky kurs ka 15 module (600 orë leksione dhe 400 praktikë në ndërmarrje) dhe do të zhvillohet në gjuhën angleze. Për informacion më të hollësishëm kontaktoni Zyrën e Bashkëpunimit Shkencor pranë Ambasadës Italiane në Tiranë.