Tiranë, më 29 Tetor 2009

Ofrohen bursa për studime pasuniversitare në Egjipt,për periudhën janar-dhjetor 2010

Në kuadër të bashkëpunimit teknik me Republikën Arabe të Egjiptit, Qendra Demografike në Kairo dhe Fondi Egjiptian për Bashkëpunimin Teknik ofron bursa për studime pasuniversitare në fushën e demografisë pranë universiteteve publike egjitiane, për periudhën janar-dhjetor 2010.

Bursa mbulon shpenzimet e udhëtimit, të shkollimit dhe të akomodimit, si dhe shpenzimet e vogla mujore.

Kandidatët e interesuar për këto bursa studimi të paraqesin pranë Sektorit të Marrëdhënieve me Jashtë në Ministrinë e Arsimit dhe Shkencës dokumentet e mëposhtme:

1. Kërkesën e të interesuarit drejtuar MASH-it;

1. Fotokopjen e noterizuar dhe të përkthyer të diplomës së shkollës së lartë,;
2. Fotokopjen e noterizuar dhe të përkthyer të listës e notave;
3. CV;
4. Dy rekomandime nga profesorë të Universitetit;
5. Certifikatën e lindjes me fotografi;

7. Raportin mjekësor per aftësi studimesh;

1. 4 fotografi 4x6

Kandidatët e interesuar për studime të avancuara duhet të jenë të pajisur me diplomë të veçantë për Popullsinë dhe Zhvillimin ose me diplomë të nivelit master në fushën e demografisë.