Tiranë, më 14 Maj 2010

Ministri Tafaj priti një grup nxënësish të gjimnazit “Albeck” dhe “Sami Frashëri”

Ministri i Arsimit dhe Shkencës, z. Myqerem Tafaj, u takua në Ministrinë e Arsimit dhe Shkencës me një grup nxënësish dhe mësuesish të gjimnazit “Albeck” në Sulcam Necar  nga landi i Baden-Vyrtembergut që ndodhen në Tiranë për të vizituar gjimnazin “Sami Frashëri”.

Qëllimi i kësaj nisme është arritja e një marrëveshjeje për të krijuar një partneritet mes këtyre gjimnazeve.

Ministri Tafaj, duke shprehur kënaqësinë për këtë vizitë, u shpjegoi nxënësve sistemin tonë arsimor dhe diskutoi me ta mënyrën e zhvillimit të provimit të Maturës Shtetërore.

-Gjimnazi “Sami Frashëri” është një nga shkollat bilinguale më të mira që ne kemi,- tha Ministri Tafaj dhe kjo falë partneritetit midis këtyre gjimnazeve, suksesi i të cilave do të matet me provimin e Maturës Shtetërore 2011.

Realizimi i trajnimeve për mësuesit që do të shërbejnë si partnerë për kualifikimin e mëtejshëm pedagogjik të mësuesve shqiptarë gjermanishtfolës, ishte një tjetër çështje që u diskutua.

- Praktika e shkëmbimit të nxënësve në kuadër të projekteve të ndryshme dhe studimet jashtë vendit janë modeli më i mirë që  mund t’ju ofrojmë nxënësve që mbarojnë këto shkolla bilinguale, - u shpreh z. Tafaj.